Tsinelas

“Tsinelas leadership” yan ang Estilo mo

Sa ilang dekadang pamamalakad lahat ay nabago mo

Ang isang lugmok na syudad dahan-dahan mong inangat

Mula sa third world nagbago ang imahe nito

Mga inbestor nagtiwala sayo

Sapagkat tapat ang serbisyo at pamumuno mo

Mga eskwater sa riles inilipat mo

Kanilang tirahan ngayon ay masayang tahanan

Tinawag mo itong MAOGMA, na ibig sabihin MASAYA

Sapagkat para sayo PAMILYA ang dapat MAUNA

Isa kang simpleng lider, at isang mabuting ama ng bayan

Ni minsan hindi ka nagmataas sa kabila ng iyong katayuan

Ang puso mo ay tapat sa iyong mga kababayan

Imbes mamahaling sapatos, at magagarang sasakyan

Ikaw ay naglalakad gamit at tsinelas lamang,

At Nag-iikot ka sa bayan mong mahal gamit ang biseklitang de pedal lamang

Sinusukat mo ang oras sa relong Timex na suot mo

Wala kang sariling driver, terminal ng bus sa cubao doon sa bikol ang tungo mo

Kapag gusto mong umuwi sa pamilya kahit mahabang byahe eni-enjoy mo

Ganito ka mamuhay isang ordinaryong mamayan

Kaya lahat sayo’y mataas ang pag galang

Marunong kang makibagay sa karamihan

Ngayon naluklok ka sa mataas na katungkulan

Nanatili kang simple, at tapat sayong bayan

Lahat ng gawa mo, hindi mo pinangalandakan

Di tulad ng iba...kung kumilos ay epal

Sariling interest ang pinangangalagaan

Sarili muna bago ang bayan

Ngunit bakit kung kelan nasimulan na

Ang unti-unti paglilinis sa ating bayan

Saka ka naman kinuha ng POONG MAYKAPAL

Sa iyong pag panaw, ang pangarap na pagbabago ay natunaw

Sadya nga bang pag ang tao ay mabait nauuna sa pagpunta sa langit?

Gaya ng iyong pagkawala kami ay hindi handa

Maiiwanan kami na nagluluksa

Para kaming mga anak na naulila

Sa isang ama na mapagmahal sa mga aba

Alam namin gusto magpatuloy ang lahat

Ayaw mo ang lahat ng iyong nasimulan mauwi sa wala

Kaya sisikapin naming sa pamamagitan ng mabuting gawa

Mga alala mo mananatiling buhay ngayon at sa susunod na bukas

Nawa’y tularan ka ng mga nagseserbisyo sa bayan

Malinis at matapat lamang

Mahal ka namin SEC JESS. RIP..... L

Mermaid

This is just a quick post... loving this video a lot.... Kudos to Gloc 9 you're doing great... MABUHAY KA!

http://www.youtube.com/watch?v=3nKmv5oDzBw&feature=youtube_gdata_player

Habagat

Isa ka lang uri ng panahon, ngunit daig mo pa ang bagyo

Walang patid ang buhos mo metro-metrong tubig ulan sa bayan ko

Mga baradong kanal, at basurang nakatago lumitaw dahil sayo

Mga tao nagulat sa ngitngit mo

di nila akalain ganun ka kamisteryoso

ikinumpara ka kay “ONDOY” isang matinding bagyo

ngunit iba ka mamerwisyo

hindi lang isang araw humigit ka pa sa isang lingo

sa lawak ng napinsala mo, madami ang lumuha sayo

dumadaing na sana’y tigilan mo

ang pag dala mo ng matinding baha at pag lunod sa mga tao

baha dito, baha doon... wala ng mapaglagyan sayo

umaapaw ka na masyado

dami na ang natrauma sa pag sakop mo

sa mga kalupaan na tinitrihan ng tao

ngunit di ka rin masisi

taon-taon bisita ka dito

di lang kami handa sa lakas ng hagupit mo

kung sana’y na anticipate naming mga tao

na ano mang kalamidad kelangan laging alerto

wag i-asa sa iba ang kaligtasan ng sarili mo

makinig, mag matyag at wag matigas ang ulo

ano mang babala laging isa ulo

ng waiwasan ang ganitong delubyo

ang pag wasak sa buhay ng tao

ay kagagawan  din nito

ang pag abuso sa paligid, at paghamak dito

mga duming ikinalat, punong sinibak

mga gawaing di karapat dapat

dumating na ang panahon na tayo ay may katapat

ang paniningil ni HABAGAT na HEAVY-GAT ......

Sunshine

Ang ngiting nagbibigay liwanag sa sambayanan

Liwanag na hatid mo, ay pag asa sa karamihan

Ano mang sungit na panahon, at pagbalot ng ulap sa iyong kagandahan

Manatiling kang hari at matayog ang kinalalagyan

Ang mainit mong pagmamahal ang mapapatingkad sa langit at kalupaan

Higit ka pa sa ginto nakakasilaw ang iyong kapangyarihan

Ikaw ay nag aalab, hugis mo’y bilog ang pag ibig mo ay walang haggan

Nawa’y mag silbi kang aming ilaw, kami’y wag hayaang manitili sa kadiliman.

Basura

Basura ikinalat na parang kabute na kahit saan-saan na lang

Sa kalsada, estero sila’y nakasamapay

Kumpol-kumpol  ang masang-sang na amoy sa ilong tumatambay

Nakakadiring tingnan  mga nabubulok na laman  mga langaw pinag pyepyestahan

Halo-halong plastic, bote at Styrofoam

Na syang sanhi ng pagbaha sa sa barangay man at sa bayan

mga basurang tinapon na kahit saan ay naka abang

sa daluyan ng mga tubig, sila’y nanahan

lumulutang at sumabasay sa agos ng tubig ulan

may kasabihan tayo: ang basurang tinapon mo babalik sayo

mga gintong kasabihan na pawang totoo

mga bagay na minsan kinalimutan

bumalik sa ating mga tahanan

nagpapaalalang pahalagahan mga bagay na dapat isa alang alang

tunay na dapat nating pangalagaan ang ating paligid at inang kalikasan

ang pagdisiplina sa sarili ang syang kailangan

nakasalalay ang lahat sa ating mga kamay

ano mang mali at paglalapastangan

ang karma ay babalik at ito’y ating pagdudusahan

mga gawang mali na ating pagsisihan 

na laging sa huli tayo ay manghihinayang

Ulan 2

Masarap isiping na ang pag ulan ay isa sa mga panahon mapapatigil ka sa bahay ito rin ang sandaling maghahanap ka ng pagkain swak sa malamig na oras na sa pag kain ng sinigang at nilaga sa mainit na kanin,  champorado na may tuyo at ibang pagkain perpekto sa tag-ulan, ang makatulog ng mahimbing dahil sa lamig ng panahon, at pag masid sa ulan pumapatak sa ating mga bubungan napakaraming masasayang gawain ang naidudulot ng ulan.

subalit sa ganitong sitwasyon na baha na sa labas na at halos lahat ng tao ay may ini indang reklamo dahil ang ulan ay sinira na ang kanilang kabahayan, inanod na ang mga gamitan pati na ang kanilang kabuhayan, mapapaisip ka na lang na dapat bang mag saya na lang sa gitna ng ganitong sama ng panahon? Subukan ko man pero mas nangingibabaw ang pag alala, sa mga lugar na apektado at mga kababayang nahihirapan  nakakahabag ang  kinalaglagyan nila, basang basa walang masilungan gutom na gutom at nanginginig ang mahinang katawan mga batang walang kamaymalay na takot sa rumaragasang tubig sa kanilang kabahayan, mga taong  hindi maiwanan ang mga sariling bahay at kagamitan, mas takot silang wala na silang mababalikan.

Maraming di makakilos, makapunta sa trabaho at maka punta sa paaralan, marami ang na trapped na sa kani-kanilang lugar, marami na rin lumilikas at mga nag paiwan.

Napakahirap, sana sa susunod na araw bumuti na ang panahon para bumalik na sa normal ang buhay nating lahat...

Oh God please protect us. Stop the rain...

Baha

Isang linggong walang patid ang ulan

Isang lingo naghihirap ang sambayanan

Mga, parke, eskwelahan, palengke’t simbahan

Napapalibutan ng tubig na sanhi ng ulan

Mga kabahayan, kalsada at gusali wala ng pinipili

Patuloy sa pag agos, pag pasok at pag wasak sa tahanang munti

Lubog na ari-arian, basang basa pa sa kalungkutan

Kumakalam na sikmura, lamig sa buong katawan

Ramdam ang ngitngit ng kalakisan, ang lupit tagos sa laman

Mga saksakyan na dati hari ng kalsada, ngayon lumulutang na,

Mga Bangka dating ginagamit sa dagat ngayon nasa kalye na

Iba na, iba na.. ako’y nababahala na, panahong ito dulo’t ay pinsala

Wala na tayong lupang makita,  ang bayan  waterworld na

Tama na, tama na, nawa’y tumigil  na kami’y wala ng lakas kung ito’y ay magpapatuloy pa

Hindi ako handa sa ganitong eksena sapagka’t akoy walang buta at salbabida

Ayaw kung mamatay sa pagkalunod sa baha

Ito’y walang hustisya.

Ulan

Ang ulan ay isang biyaya mula sa kalingitan

Hatid  nito ay magandang pag usbong ng mga bulaklak at mga halamang uhaw na uhaw

 sa mga tuyong kalupaan...

sa malalim na kahulugan

para sa iba ito ay isang romatikong panahon  para sa mga tayong punong puno ng pagibig at pag asa

ang pagtampisaw sa ulan at sa patuloy na pag agos nito kasabay ng tuwa at kagalakan

bagamat sa iba’y panibugho at kalungkutan na sumisimbulo sa madilim na kalangitan

ang pag buhos mula sa langit, ay kasabay ng pag iyak sa mga ala-alang kumukurot haggang sa kailaliman ng damdaming pinabibigat ng mga nakalipas na pangyayari...

dalawang magka- ibang damdamin, dalawang pananaw na na dala ng mahiwagang ulan..

ano pa man ang dulot nito ating sariwaan ang momentong nag papa labas ng ngiting matatamis sa kabila ng pag luha ng langit.