No to mining please...

Medyo conflicting ata ang campaign ng it’s more fun in the Philippines sa totoong kondisyon ng bayang kung pilipinas nakaka depress at nakakatakot isiping na malaking bahagi ng pilipinas na sinisira ng mga ng mining industries (i'm watching TED FAILON) lalo na sa bahagi ng surigao at sa Palawan iba pang bahagi ng pilipinas, dahil sa pagpapahintulot ng local na pamahalaan ay malaya silang nakaka patuloy ng kanilang operasyon na sa kasamaan ay tuluyang nakakasisira sa mga kabuhayan ng mga maralitang tao at pati ang pagkasira ng kalusugan ng bawat mahihirap. Sa mga hindi pagtupad ng mga pangako sa pagtulong kapalit ng pag wasak ng kalikasan at sa pag unti unting pagpatay sa kabuhayan.  Ganito kung pano tayo pagsamantalahan ng mga ganid na mga may kapangyarihan, iniiwan tayong lugmok sa gitna ng sitwasyong wala na tayong magagawa. Dahil sa mahinang pwersa ng mahihirap idadaan na lang natin sa walang katapusang  pagluha at dasal na sana’y minsan marinig ang ating  mga daing na tila’y wala ng kalutasan.

Inang Pilipinas

Ang yaman ng pilipinas ay para sa mga Pilipino

Hindi sa mga dayuhang gusto mag samantala dito

Kaya’t pag yamaning maiigi likas na yaman hindi lamang ginto

Magpasalamat  sa Ulan na nagdidilig sa kalupaan ng bansang ito

Maswerte tayo hindi tayo binigyan ng desyerto, at sagana sa mineral at iba pang mga bato

Nabubuhay tayo na may mga matatabang halaman, at luntiang kagubatan

Nasisikatan tayo ng araw na nagpapatingkad sa asul na karagatan

Ang mga isdang naninirahan sa ilalim ng dagat, nagbibigay buhay at kagandahan

Mga hanging sariwa, nagpapasayaw sa mga damuhan at ligaw na mga bulaklak

Mga ibong malayang nakakalipad, umaawit na ang tinig haggang langit

At iba pang hayop na malayang nakaka gala sa kabundukan

Rumaragasang tubig sa ilog, sapa at batis na kasing tamis ng isang bagong pag ibig

At mga pagkaing biyaya mula sa langit na walang patid

Pilipinas ikaw na nga napaka yaman at pinagpala

Lupang masagana at marangya

Sana’y pag ingatan ka, na ang katawan mo’y di masira

Wag ka sanag ipagpalit

Ng mga taong  nasisilaw sa salapi, 

Manatili ka kanlungan ng mga abang lahi

Mga nag aalab mong yakap, sa puso nanatili

Ikaw lang ang mag sasalba sa mga susunod na salinlahi

Nawa’y andyan ka parati 

matatag at matayog sa pagtindig

at Nakaalay Sa pag pagtanaw sa nakaraan at pagsalubong sa  umagang minimithi

ningning mo'y mag gagabay sa aming magandang kinabukasan

Ikaw lang sa huli ang aming pupuntahan

sapagkat ikaw ang aming tahanan

ang aming nag iisang inang bayan